انهارده هتكلم عن الـ Citalopram و الـ Escitalopram وهتكلم في كل واحد منهم عن:
إيه اللي بيميز كل واحد منهم عن الباقي.
إيه عيوب كل واحد منهم.
بيكون مُناسب في أنهي أعراض من الاكتئاب.
نكتبهم إزاي.
الخامس: الـ Citalopram
ودا عبارة عن جزيئين متماثلين أو (enantiomers) الاتنين صور متطابقة، واحد اسمه R Enantiomer، والتاني اسمه S Enantiomer. والـ R enantiomer له Antihistaminic effect .( الكلام دا مُهم عشان نعرف الفرق بينه وبين الـ Escitalopram)
إيه اللي بيميزه؟
أحيانًا الناس اللي مش بتستحمل الـ SSRIs التانية بتستحمله.
في دراسات بتقول إن تأثيره كويس في كبار السن.
إيه عيوبه؟
له Antihistaminic effect مرتبط بالـ R Enantiomer. فبيعمل sedation وأحيانًا fatigue.
الـ R enantiomer بيقلل تأثير الـ S enantiomer فبيحتاج جُرعة أعلى عشان يعمل تأثيره والجرعة الأعلى بتعمل QTc prolongation.
بيكون مناسب مع أنهي أعراض من الاكتئاب؟
ممكن نستخدمه مع كبار السن، لكن موضوع الـ QTc prolongation والـ antihistaminic effect بيكون حاجة مش لطيفة.
دا تفضيل شخصي: (مش بستخدمه في وجود الـ Escitalopram).
نكتبه إزاي؟
جرعته في الاكتئاب من 20-40. وبنبدأ ب 20. معظم الناس التحسن بتاعها بيظهر على جُرعة 40 مجم. (أنا خبرتي قليلة معاه ومش بكتبه كتير الحقيقة. فياريت تشاركنا بأي خبرة ليك معاه)
السادس: الـ Escitalopram
ودا هو الـ Citalopram بس اتشال منه الـ R Enantiomer وبالتالي الـ antihistaminic effect اتشال وكمان تأثير الـ R enentiomer على الـ S enantiomer راح، فبنحتاج جُرعة أقل مُقارنة بالـ Citalopram.
إيه اللي بيميزه؟
أقل drug-drug interaction في الـ SSRIs فلو حد بياخد أدوية تانية أو مهمة بيكون آمن غالبًا.
جُرعته أقل من الـ Citalopram ومعظم الناس بتستجيب على جُرعة 10، وجُرعة 10 مجم ممكن تبقى مُساوية لـ 40 من الـ Citalopram.
هو الـ best tolerated SSRI.
إيه عيوبه؟
دي ملاحظة شخصية مفيش عليها دليل: في ناس بتزيد في الوزن عليه وفي ناس بتحس بـ fatigue عليه برده.
بيكون مناسب مع أنهي أعراض من الاكتئاب؟
بما إنه أقل drug-drug interactions فبنكتبه لو المريض بياخد أدوية تانية.
في ناس لما بتيجي تعمل augmentation ب antidepressant تاني، بتعمل بيه عشان ميأثر على الـ antidepressant الأولاني.
نكتبه إزاي؟
جرعته من 10-20 مجم ومعظم الناس بيستجيب على جُرعة 10 مجم في اليوم.
الطبيعي نتوقع نتيجة بعد قد إيه من الـ Antidepressants عمومًا؟
في معلومة خاطئة مشهورة إنهم بيشتغلوا بعد أسبوعين أو 4 أسابيع. لكن الدراسات بتقول إن أكبر تأثير ليهم بيكون من الأسبوع الأول للتاني.
طيب إيه اللي بيحصل بعد ما المريض بياخد العلاج عمومًا؟
يا إما المريض يستجيب للعلاج، ودا يعني تحسن للأعراض بنسبة أكبر من 50% ودا اسمه Response. ودا بيكمل على العلاج زي ما هو وغالبًا التحسن بيزيد مع الوقت.
يا إما المريض يستجيب للعلاج جُزئيًا، ودي يعني تحسن للأعراض بنسبة 25-50%، ودا اسمه Partial response. وهنا ممكن نزود الجُرعة أو نستنى حسب اختيار كل مريض.
في مرضى مش بيستجيبوا للعلاج إطلاقًا ودول مش بيظهروا أي تحسن للأعراض، أو no response، ومحتاجين هنا لو سألنا مريض وقلناله إيه أخبار العلاج؟ وقال مفيش تحسن خالص، هنحتاج نسأل بعدها على الأعراض واحد واحد، عشان ساعات الـ negative view بتخلي المريض يشوف إن مفيش تحسن مع إن ممكن يكون في تحسن في الأعراض. فعشان نقول مفيش no response، يبقى سألنا المريض على الأعراض وقال إن مفيش تحسن في أي حاجة من الأعراض خالص. وهنا يُستحسن تغيير نوع العلاج، لكن في ناس بتفضل تزود الجُرعة.
يا ريت تشاركنا بخبرتك مع الـ Citalopram والـ Escitalopram وبتعمل إيه مع الـ response أو الـ partial response أو الـ no response.
ولو حد عنده تعديل أو إضافة يا ريت يتفضل.
الجزء الأول من هنا
والجزء التاني من هنا
المصادر:
Stahl’s Essential Psychopharmacology.
Stahl’s Essential Psychopharmacology, Prescriber’s guide.
The Maudsley Prescribing Guidelines.