انهارده هتكلم عن الـ Paroxetine و الـ Fluvoxamine وهتكلم في كل واحد منهم عن:
إيه اللي بيميز كل واحد منهم عن باقي الـ SSRIs.
إيه عيوب كل واحد منهم.
بيكون مُناسب في أنهي أعراض من الاكتئاب.
نكتبهم إزاي.
الـ Paroxetine
إيه اللي بيميزه؟
له Anticholinergic effect من خلال شُغله على receptor اسمه M1، ودا بيضيفله تأثير مُهدىء في الأول وأحيانًا sedating كمان بخلاف الـ Sertraline و الـ Fluoxetine اللي بيكونوا activating في الأول وعشان كدا في ناس كتير بتفضله في ال anxiety.
له تأثير ضعيف على الـ Norepinephrine Reuptake Inhibition، يعني بيزود الـ Norepinehphrine، ودا معناه زيادة في الـ Energy، لكن التأثير دا غالبًا مش بيظهر غير في الجُرعات العالية برده زي الـ Fluoxetine.
إيه عيوبه؟
الـ Anticholinergic effect بتاعه له Side effects نفس بتاعة الـ anticholinergics زي الـ constipation و الـ dry mouth وsedation.
بيعمل inhibition لـ Enzyme اسمه Nitric Oxide Synthetase أو (NOS) ودا بيقلل الـ Nitric Oxide ولو فاكرين من الفارما دا بيساعد في الـ Erection. فقلته هتعني زيادة في الـ Sexual dysfunction.
الـ discontinuation symptoms بتاعته بتكون شديدة خاصةً مع الـ sudden withdrawal، ودي عمومًا زي إن القلق بيزيد والشخص مش بيبقى عارف يقعد على بعضه ومغص وإسهال ودوخة وتنميل. والأعراض بتبقى أشد من أي SSRI تاني عشان الـ anticholinergic effect بتاعه لما بيروح بيحصل anticholinergic rebound فبيزود الأعراض دي.
له drug-drug interactions كتير يعني بيأثر على الأدوية التانية، الحاجة الأشهر اللي بيأثر عليها وممكن تكون مشكلته فيها خطيرة لدرجة الموت هي مع الـ tamoxifen. ودا علاج بياخدوه مرضى السرطان، وبيستمروا عليه لفترات بعد الاستئصال عشان يمنع الـ recurrence. فلو كتبناه مع مريض بياخد الـ tamoxifen ممكن يعمل treatment failure للـ tamoxifen ويرجع الـ cancer. فلو مريض بياخد أدوية كتير يُستحسن نراجع الـ drug-drug interactions بتاعته.
بيكون مناسب مع أنهي أعراض من الاكتئاب؟
بيكون مناسب مع الـ Depression with comorbid anxiety ودول بنقابلهم كتير عشان الـ calming effect بتاع الـ anticholinergic.
بيكون كويس في مُعظم الـ anxiety disorders وهبقى أتكلم عن دا بالتفصيل لما آجي أتكلم عن الـ Anxiety.
نكتبه إزاي؟
جرعته في الاكتئاب من 25- 62.5 CR. وبنبدأ ب 25 CR. في ناس بتحب تبدأ 12.5 CR (يا ريت لو ليك خبرة معاه تقولنا بتحب تبدأه إزاي).
غالبًا بيتاخد بليل قبل النوم عشان الـ sedation، لكن في ناس بتحب تديه الصبح برده. (يا ريت تقول تفضيلك برده، بتحب تكتبه الصبح ولا بليل). أنا شخصيًا بقول للمريض خده الصبح بعد الفطار، لو نيمك خده بليل قبل النوم.
الـ Fluvoxamine
دا مش واخد FDA Approval في الـ Depression في أمريكا، لكن بيُستخدم في الـ depression في بلاد كتير. واستخدامه في أمريكا الأساسي في الـ OCD و الـ Anxiety. لكن تعالى نبص عليه بالتفصيل برده.
إيه اللي بيميزه؟
بيشتغل على Sigma 1 Receptor، ودا له anxiolytic effect، وتأثيره على الـ receptor دا أقوى من تأثير الـ sertraline عليه، فبيقلل القلق من الأول.
إيه عيوبه؟
برده له drug-drug interactions كتير، أشهرها الـ Theophylline اللي بيتاخد في الـ COPD و الـ Asthma، يعني بيزود مستوى الـ theophylline، وله مشاكل مع الـ tamoxifen برده بس moderate مش زي الـ paroxetine.
بيكون مناسب مع أنهي أعراض من الاكتئاب؟
الـ Depression with comorbid anxiety برده.
الاستخدام الأكتر له مع الـ OCD و الـ Anxiety.
نكتبه إزاي؟
جرعته من 100 لـ 200 في الاكتئاب. ممكن تبدأ بجُرعة 100 في الأول، نص قرص مرتين في اليوم. ولو عامل مشاكل زي ال sedation ممكن تخليه كله بليل قبل النوم.
هكمل كلام عن الباقيين المرة الجاية إن شاء الله عشان مطولش أكتر من كدا.
لو حد عنده تعديل أو إضافة يا ريت يشاركنا وياريت تشاركنا بخبرتك الشخصية مع الاتنين دول.
المصادر:
Stahl’s Essential Psychopharmacology.
Stahl’s Essential Psychopharmacology, Prescriber’s guide.
The Maudsley Prescribing Guidelines.