هتكلم في كل واحد فيهم عن:
المهم نعرفه عنه
عيوبه
نستخدمه امتى
نكتبه إزاي
الـ Mirtazapine:
إيه المهم نعرفه عنه؟
إنه بيزود الـ Norepinephrine و الـ Serotonin عن طريق شُغله على الـ Alpha 2 receptors. ودا الميكانيزم الأساسي لشُغله كـ Antidepressant.
شُغله كـ Antihistaminic بيحسن النوم بالليل وبيقلل القلق بالنهار لكن دا ممكن يتسبب في همدان ودروخة بالنهار.
شُغله كـ Antihistaminic برده بيزود الوزن خاصةً إنه بيشتغل كمان على الـ 5HT2C اللي هو بيزود الوزن برده.
إيه هي مميزاته؟
طريقة زيادته للـ Norepinephrine و الـ Serotonin طريقة مُختلفة وبالتالي بيكون إضافة كويسة جدًا كـ Augmenting strategy لو مفيش استجابة كافية لمضاد الاكتئاب الأول. (من أقوى الـ combos هي الجمع ما بين SNRI + Mirtazapine عشان الاتنين بيزودوا الـ Serotonin و الـ Norepinephrine بطريقتين مختلفتين و الـ Combo دا مشهور بـ California Rocket Fuel).
بيحسن النوم لو في Insomnia وبيقلل الـ Anxiety من أول ما بيتاخد عن طريق شُغله كـ Antihistaminic. ودي بتبقى حاجة مفيدة جدًا في المرضى اللي عندهم severe anxiety.
بيقلل الـ Nausea و الـ Vomiting والـ Stomach cramps اللي ممكن تحصل في الأول مع الـ Antidepressants عن طريق شُغله على الـ 5HT3 ، فبرده بيكون إضافة كويسة لمدة قصيره في الأول (لمدة أسبوع مثلًا) لو حد عنده مشاكل في المعدة أو خايفين من مشاكل الـ adherence بسبب مشاكل الـ GIT.
احتمالية إنه يعمل Sexual side effects قليلة.
إيه هي عيوبه؟
زيادة الوزن اللي ممكن تحصل بسبب الـ Antihistaminic effect و شغله على الـ 5HT2C (لو محصلش في أول 6 أسابيع غالبًا مبيحصلش).
الدروخة والهمدان اللي بيحصلوا تاني يوم بسببه لإنه له long half life - حوالي 20-40 ساعة.
نستخدمه امتى؟
كـ Augmentation في الـ Depression أو الـ Anxiety. (مستخدمتوش لوحده قبل كدا سواء في depression أو anxiety. لو حد استخدمه لوحده يا ريت يقولنا تجربته معاه)
كإضافة في الأول لمدة قليلة (أسبوع أو أسبوعين) عشان نقلل القلق بسرعة ونقلل احتمالية الـ initial anxiety وعشان نقلل الـ GIT upset المحتمل. (off-label).
نكتبه إزاي؟
الجرعة بتاعته من 15- 45 مجم في اليوم.
للـ Insomnia: بندي 15 مجم في اليوم يعني نصف قرص 30 مجم قبل النوم بنص ساعة.
كـ Augmentation في الـ Depression أو الـ Anxiety: بنبدأ ب 15 مجم في اليوم قبل النوم وممكن نزود 15 كل أسبوع لحد ما نوصل لـ 45 مجم في اليوم. (الـ sedation مش شرط يزيد بزيادة الجرعة - أحيانًا بيقل)
الـ Vortioxetine:
إيه مميزاته؟
إنه بيحسن الـ Cognition عن طريق شُغله على كذا Receptor: اللي هما الـ Serotonin 3,7,1B & 1D.
إنه الـ Sexual dysfunction بتاعه أقل من الـ SSRIs و الـ SNRIs.
مش بيزود الوزن في الـ Clinical trials (قولنا تجاربك معاه في الوزن).
ممكن يقف مرة واحدة من غير Discontinuation symptoms لإن له Long half life اللي هي تقريبًا 66 ساعة (بس ممكن الأعراض تحصل لو الجرعة كبيرة يعني 15 أو 20 مجم في اليوم).
لو مفيش استجابة مع الـ Antidepressants التانية، إحتمال يبقى في استجابة عليه.
إيه هي عيوبه؟
غالي مقارنةً بالباقي: ممكن يتكلف 440 جنيه لو بجُرعة 10 مجم في اليوم، وممكن 750 جنيه لو بجرعة 20 مجم في اليوم.
واخد FDA approval في الـ Depression بس. (لو ليك تجربة معاه في الـ anxiety عرفنا).
نستخدمه امتى؟
في الـ Depression اللي معاه مشاكل في الـ Cognition.
في كبار السن عشان احتمالية وجود مشاكل في الـ Cognition أكتر.
لو في Sexual dysfunction لإن احتمالية إنه يعمل Sexual dysfunction أقل.
نكتبه إزاي؟
الجُرعة بتاعته من 10-20 مجم في اليوم.
ممكن نبدأ ب 10 مجم في اليوم من الأول.
الـ Vilazodone :
إيه المهم نعرفه عنه؟
بيزود الـ Serotonin بطريقة تانية وهي شُغله على 5HT1A. ودي نفس الطريقة اللي بيشتغل بيها الـ Buspirone. الفرق بينه وبين الـ Buspirone إنه أقوى في شغله على الـ Receptor دا من الـ Buspirone. هو بيشتغل على ال Receptor دا بنسبة 50%. أما الـ Buspirone بيشتغل عليه بنسبة 10-20%.
شُغله أضعف على الـ Serotonin Reuptake Inhibition اللي هي الطريقة الأساسية للـ SSRIs. يعني بيعمل Inhibition بنسبة 50% مقارنة بالـ SSRIs اللي بتعمل الـ Inhibition دا بنسبة 80%. ودا بيخليه يعمل Sexual dysfunction أقل.
إيه مميزاته؟
إنه بيعمل Sexual dysfunction أقل من الـ SSRIs والـ SNRIs.
الناس اللي بتزيد في الوزن على الحاجات التانية ممكن متزيدش في الوزن عليه.
إيه عيوبه؟
لازم يتاخد مع الأكل وإلا امتصاصه بيقل بنسبة 50%.
نستخدمه امتى؟
بالنسبالي بعرضه كاختيار من الاختيارات للناس اللي حصلهم Sexual dysfunction من الـ SSRIs و الـ SNRIs أو الناس اللي عندهم مشكلة من الأول. (لو انت بتستخدمه لسبب تاني ياريت تقول).
نكتبه إزاي؟
جُرعته من 20-40 مجم في اليوم.
مكتوب في شتال إننا نبدأ ب 10 لمدة أسبوع وبعدين 20 لمدة أسبوع وبعدين 40 بعد كدا. (أنا مجربتش الـ titration دا قبل كدا - اللي جربته 20 لمدة 5 أيام وبعدها 40). ( لو ليك تجربة معاه ومع بدايته يا ريت تقولنا برده)
يا ريت تقول تجاربك مع كل واحد ولو ليك أي إضافة أو تعديل تقول.
المصادر:
Stahl’s Essential Psychopharmacology.
Stahl’s Essential Psychopharmacology, Prescriber’s guide.