اتكلمت عن الـ SNRIs عامةً والفروق بينهم وعن الـ Venlafaxine المرة اللي فاتت. المرادي هكمل كلام عن بقية الـ SNRIs اللي هما:
Desvenlafaxine.
Duloxetine.
Milnacipran.
وهتكلم عن كل واحد فيهم عن:
المهم نعرفه عنه
عيوبه
استخداماته
نكتبه إزاي.
الـ Desvenlafaxine:
إيه المهم نعرفه عنه:
هو الـ active metabolite بتاع الـ Venlafaxine.
بيزود الـ Serotonin أكتر من الـ Norepinephrine عامةً (زي الـ Venlafaxine). لكن بيزود الـ Norepinephrine أكتر مُقارنةً بالـ Venlafaxine.
في دراسات بتقول إنه بيحسن الـ Vasomotor symptoms بتاعة الـ Menopause اللي هي (hot flushes, sweating especially at night, insomnia). لكنه مش واخد FDA approval.
إيه هي عيوبه؟
نفس عيوب الـ Venlafaxine اللي هي:
العيب الأساسي هو المشاكل اللي بتحصل للمريض لما نيجي نوقفه أو الـ Discontinuation Symptoms، خاصةً لو المريض مشي عليه فترة طويلة بجُرعات عالية.
ممكن يزود الضغط، ودا مُرتبط بالجُرعة عشان زي ما عرفنا بيشتغل على الـ NE في الجُرعات العالية.
نستخدمه امتى؟
مع الـ Depression اللي معاه Vasomotor symptoms بتاعة الـ menopause.
مع الـ Vasomotor symptoms لوحدها (مش FDA approved)
مع المرضى اللي عندهم Psychomotor retardation.
مع المرضى اللي عندهم Atypical depression.
جُرعته إيه؟
في الاكتئاب: من 50 مجم في اليوم.
في الـ vasomotor symptoms: جرعته 100 مجم في اليوم. (مليش تجارب معاه في الـ vasomotor symptoms. لو جربته يا ريت تعرفنا تجربتك معاه)
نكتبه إزاي؟
بنبدأ ب 50 مجم مرة واحدة في اليوم.
الـ Maximum therapeutic dose: هي 100 مجم في اليوم.
الـ Duloxetine:
إيه المهم نعرفه عنه؟
بيحسن جميع أنواع الألم وخاصةً الـ neuropathic pain بجانب إنه antidepressant.
بيحسن الـ cognitive symptoms بتاعة الـ depression خاصةً في الـ elderly. (في meta-analysis بتقارن بينه وبين الـ vortioxetine في تحسين الـ cognitive symptoms والـ vortioxetine أعلى طبعًا)
في دراسات بتقول إنه بيشتغل على الـ Serotonin و الـ Norepinephrine من بداية جرعة 40.
الـ discontinuation symptoms واحتماليه رفعه للضغط أقل من الـ Venlafaxine.
إيه عيوبه؟
المرضى اللي عندهم urologic disorders وخاصةً أي حاجة ليها علاقة باحتباس البول زي أمراض الـ prostate مثلًا.
نستخدمه امتى؟
مع الـ Depression والـ Anxiety اللي معاهم أي ألم وخاصةً neuropathic pain، زي الـ diabetic neuropathy.
مع الـ Fibromyalgia عشان بيحس الـ fatigue وبيحسن الألم.
زي بقية الـ SNRIs في الـ Atypical depression.
نكتبه إزاي؟
جرعته في الـ Depression والـ Anxiety والـ Fibromyalgia :هي 60 مجم في اليوم. بنبدأ 30 مجم مرة واحدة ويستحسن صباحًا لمدة أسبوع وبعدين يبقى 60 مجم في اليوم.
شتال بيقول إن الـ maximum therapeutic dose: هي 120 مجم في اليوم ( مجربتش الجُرعة دي قبل كدا ومشفتش حد جرّبها - لو جرّبتها أو شُفت حد ماشي عليها يا ريت تقولنا خبرتك)
الـ Milnacipran:
إيه المهم نعرفه عنه؟
الوحيد اللي في الـ SNRIs اللي بيزود الـ Norepinephrine أكتر من زيادته للـ Serotonin. وعشان كدا يُعتبر أقواهم في شُغله على الألم وأقلهم في شُغله على الـ depression والـ anxiety.
مش واخد FDA approval إنه يُستخدم في الـ depression.
عيوبه:
ضعيف في الـ depression والـ anxiety ومعتقدش إنه يبقى اختيار كويس أبدًا إنه يتاخد لواحده في حاجة منهم. (لو حد له تجارب معاه فيهم يا ريت يشاركنا تجربته)
زي الـ Duloxetine في مشاكل احتباس البول.
نستخدمه امتى؟
مع الـ Fibromyalgia. في زُملاء بيقولوا إنهم جربوه وشافوا نتيجة كويسة منه. (مليش تجربة معاه لحد دلوقتي - لو ليك تجارب معاه في الـ Fibromyalgia أو الألم عامةً يا ريت تشاركنا برده)
نكتبه إزاي؟
جُرعته في الـ Fibromyalgia : من 30-200 مجم في اليوم. وبيتاخد على مرتين عشان الـ half life بتاعته 8 ساعات.
الجُرعة المفضلة في الـ Fibromyalgia هي 100 مجم مرتين في اليوم.
نبدؤه إزاي؟ 12.5 مجم لمدة يوم. وبعدين 12.5 مجم مرتين في اليوم لمدة يومين. وبعدين 25 مجم مرتين في اليوم لمدة يومين. وممكن تضاعف الجُرعة بعد كدا كل يومين لو تحب وآخرك 200. (برده شاركنا تجربتك معاه لو ليك)
ملحوظة مهمة أخيرة:
الـ SSRIs بيشتغلوا أحسن في الـ females في وجود هرمون الـ Estrogen مقارنةً بعدم وجوده. وبالتالي تأثيرهم بيكون أحسن خلال الـ Child bearing period أو قبل الـ Menopause (يعني الفترة اللي بيكون موجود فيها هرمون الـ Estrogen). وتأثيرهم بيكون أحسن لو المريضة بتاخد Estrogen replacement therapy بعد الـ menopause.
الـ SNRIs بيكون تأثيرهم واحد سواء في وجود أو غياب هرمون الـ Estrogen أو قبل أو بعد الـ Menopause.
بالتالي: واحنا بنختار antidepressant لـ Female بعد الـ menopause مهم نفكّر هما عندهم Vasomotor symptoms ولا لا، وبياخدوا Estrogen replacement therapy ولا لا. عشان ممكن يكون الأفضل إننا نختار SNRI بعد الـ menopause.
لو ليك أي إضافة أو تعديل أو حابب تشاركنا بخبرتك يا ريت.
المصادر:
Stahl’s Essential psychopharmacology.
Stahl’s Essential psychopharmacology, Prescriber’s guide.
https://www.ncbi.nlm.nih.gov/pmc/articles/PMC5091829/