top of page

امتى نحتاج نكتب الـ Tricyclic Antidepressants أو الـ TCAs؟

الـ TCAs من أقدم مُضادات الاكتئاب اللي اتعملت، وكعادة الأدوية القديمة عندنا في الـ Psychiatry مفيش مشكلة في فعاليتها، لكن مشكلتهم الأساسية في الآثار الجانبية الكتير اللي المُصنعين حاولوا يتفادوها ويقللوها بمُضادات الاكتئاب اللي اتعملت بعدهم زي الـ SSRIs و الـ SNRIs وغيرهم. ودا اللي خلاهم دلوقتي مش هما أول حاجة بتتكتب سواء في الاكتئاب أو القلق.

طيب قبل ما نتكلم عن استخداماتهم وعيوبهم:

إيه هما الـ TCAs الأول الموجودين في مصر الأول؟

  • Clomipramine

  • Amitriptyline

  • Imipramine

  • Dothiepin

بيشتغلوا إزاي؟

  • الموجودين في مصر بيزودوا الـ Serotonin و الـ Norepinephrine.

  • ليهم Antihistaminic effect وعشان كدا بينيموا ويزودوا الوزن.

إيه هي عيوبهم؟

  • بيعملوا Cardiac Arrhythmia ودا عن طريق شُغلهم على الـ Na Channels في القلب.

  • بيزودوا النوم والوزن بسبب الـ Antihistaminic effect.

  • بيعملوا Postural hypotension يعني لو المريض نايم أو قاعد ووقف مرة واحدة ممكن يدوخ ويُقع عشان بيشتغلوا على الـ Alpha 1 adrenergic receptors.

  • بيعملوا زغللة في العين ونشفان الريق واحتباس في البول وإمساك عشان الـ Anticholinergic side effects.

  • بجانب الـ Nausea & Vomiting و الـ Sexual side effects بتاعة زيادة السيروتونين.

نستخدمهم امتى؟

  • هما الـ 1st line في الـ Psychotic Depression. - مجربتهمش لحد دلوقتي فيه- . بستخدم الـ Olanzapine + Fluoxetine فلو حد جربهم في الـ Psychotic depression يا ريت يعرفنا.

  • الـ Amitriptyline هو الـ 1st line في الـ Neuropathic pain.

  • الـ Imipramine من الحاجات اللي بتُستخدم في الـ Enuresis في الأطفال.

  • الـ Clomipramine هو الـ 2nd line في الـ OCD ومن الحاجات الـ 2nd line في الـ Panic disorder.

  • الـ Amitriptyline هو الـ 2nd line في الـ PTSD.

نتجنب استخدامهم امتى؟

  • مع المرضي اللي عندهم مشاكل في القلب وخاصة أي Arrythmia.

  • مع الناس اللي عندهم hypotension.

  • مع حد ممكن يكون عنده مشكلة مع زيادة الوزن أو النوم.

  • مع أي حد ممكن يكون عنده مشكلة في تحمل العلاج، لإن الـ Tolerability بتاعتهم قليلة وقليل اللي بيستحملهم وبيكمل عليهم.

نكتبهم إزاي؟

الـ Clomipramine:

  • جُرعته من 100 لـ 200 مجم في اليوم.

  • بنبدأ ب 25 مجم في اليوم ونزود بالتدريج لحد ما نوصل ل 100 خلال أسبوعين.

  • الجُرعات الموجودة في مصر 25 و 75 SR.

  • يُستحسن يتاخد مرة واحدة بالليل عشان النوم. ولو حبيت تديه على مرتين يبقى الجُرعة الأكبر تكون بالليل.

الـ Amitriptyline:

  • جُرعته من 50 لـ 150 مجم في اليوم.

  • بنبدأ ب 25 مجم مرة واحدة بالليل ونزود 25 مجم كل 3-7 أيام.

  • الجُرعات الموجودة في مصر: 10 و 25 و 50 مجم.

  • يُستحسن يتاخد مرة واحدة بالليل عشان النوم. ولو حبيت تديه على مرتين يبقى الجُرعة الأكبر تكون بالليل.

الـ Imipramine:

  • جُرعته من 50 لـ 150 مجم في اليوم.

  • بنبدأ ب 25 مجم مرة واحدة بالليل ونزود برده 25 مجم كل 3-7 أيام.

  • الجُرعة الموجودة في مصر: 25 مجم بس.


لو حد عنده إضافة أو تعديل يا ريت يشاركنا.

ويا ريت تقولنا خبرتك مع كل واحد فيهم وبتستخدم امتى وإزاي.


المصادر:

The Maudsley Prescribing Guidelines.

Stahl’s Essential Psychopharmacology.

Stahl’s Prescriber’s Guide.


المنشورات الأخيرة

إظهار الكل

إزاي نعرف إن في مشكلة في الكبد الأول؟ وظائف الكبد الـ Abnormal بتبدأ من زيادة 3 أضعاف الطبيعي. يعني الـ ALT و الـ AST الطبيعيين حوالي 50 تقريبًا، فعشان نقول إن وظائف الكبد Abnormal هنحتاج إنها تكون أك

أولًا: هل في اختلاف في تأثير العلاج على كبار السن أو الـ (Pharmacodynamics)؟ وإيه هو الاختلاف؟ لما بنكبر في السن تحكم جسمنا في الـ Autonomic functions زي ضغط الدم و تنظيم حرارة الجسم بيقل و الـ Recept

Post: Blog2_Post
bottom of page